نو ٍ رهشني موهش ٍ مرهـش ٍ جـش
هتـاش عتـاش ٍ ورشـاش طشـاش
ناش ٍ من المنشا يشادي اليـا ارهـش
هجوش حبشي ٍ على الشـرق نطـاش
شهلال شهلوله على القـاع الـى رش
شهـلال سبـب بالنخاشيـش هتـاش
رش ٍ مطش ٍ هايـش ٍ شايـش ٍ وش
شيـاش نـوه بالقناطيـش طــواش
ينشر نواشيره علـى هشهـش ٍ نـش
شمشاه من قشـع الشخاتيـر غـواش
يرهش و يربش يوم قش الشجر قـش
قرم الشجاع اللـي تنغمـش تنغمـاش
كن راعده لادهـى شجاعـن تشـوش
قام يتخطرش دون الاشهب تخطـراش
يحيي هشيم ٍ عقب شوف اربع ٍ كـش
وينعش هشاش مشلهب ٍ عقب الانشاش
نو ٍ بشـوش ٍ يـوم جـرّش وبـرّش
يشفي بشوفه بوش بـدوان ٍ عطـاش
طرش ٍ على عشب الشمـال يتجهـش
قام يتخطى الشـوك شبكـه تخطـاش
شوف الشمطري والشجر منبته هـش
شفي وشف منشنـش ٍ حالتـه مـاش
والشف الاول شوف غـرو ٍ تقـروش
غرو ٍ هبشني هبـش حـب ٍ بمهبـاش
البارحة كنـي علـى ريـش الاريـش
من شان شئ بالحشى يجهش جهـاش
هم ٍ حشا حشي يحـش الحشـا حـش
حشت حشيش ٍ غطرشوبه على طـاش
يا شوع قلبي شوع طير ٍ علـى عـش
يخيل فرخه وخرفش على العش خرفاش
ويا نشتـي نشـت خلـوج تنشنـش
شالوا ضناها وهي تشوفه يـا عمـاش
لا شرقوهـا شـرق شـام ٍ تنـقـرش
قامت تشمشم من شذا الشام ما هنـاش
هي شومها شومي على ناقـل الغـش
راعي اشعل اللـي تعكـرش تعكـراش
ابـو ثليـل ٍ فـوق متنـه تعـكـرش
شملول شهلـول ٍ بـرد وابلـه طـاش
ابـو خـدود مرهـشـات ٍ همـلـش
لا شال برقعهـن تقـل شعـة فـلاش
يـا مـا عليهـن شجاعـن تطربـش
اصفى من الياقوت وابيض من الشاش
صدر ٍ من الشيـراز كاسيـه رشـرش
ونور ٍ من البلـور كاسيـه رشـراش
ابـو ثمـان ٍ كنهـا الطـش والـرش
هـش ٍ هشاهيـش ٍ تبهـش تبهـاش
كـن ريقهـن در البكـار الحبشبـش
والا حليـب ٍ ناشـع ٍ فيـه خشخـاش
مزيون.. من شـر العيـون يتخشـش
على مشفشف شفتـه جانـي خـراش
يا شبـة خشـف ٍ ذيـروه المخـرش
كنّه يحوشه عن شبـا الريـع حـواش
خشف ٍ عفيف الشـان حـرك وتبلـش
عوده ليا هب الشمال ارعش ارعـاش
عليـه لا جـا مـن يميـن اتـدروش
وعليه لا جا من شمال ارهش ارهـاش
مانـي بمربـوش ٍ ولانيـب هشهـش
ولا شارب ٍ غرشـة ولانيـب حشـاش
لاشك شوقي شـق الاجيـاب واربـش
واصبحت مربوش ٍ على كور مربـاش
يا لايمي فـي حبهـا اش اش ثـم أش
لابو هشاش المرجلـه لابـو قطـاش